Ամենայն Հայոց կաթողիկոս Գարեգին Երկրորդը հովվապետական այցով մեկնել է Ավստրալիա: Այցը կկայանա Ավստրալիայի և Նոր Զելանդիայի հայոց թեմի առաջնորդ Տեր Հայկազուն եպիսկոպոս Նաջարյանի և թեմական խորհրդի հրավերով:

Նորին Սրբությանն ուղեկցում են Մայր Աթոռի Արտաքին հարաբերությունների և արարողակարգի բաժնի տնօրեն Գերաշնորհ Տեր Նաթան արքեպիսկոպոս Հովհաննիսյանը և գավազանակիր Հոգեշնորհ Տեր Անանիա աբեղա Ծատուրյանը, հայտնում է Մայր Աթոռի տեղեկատվական համակարգը: