Ուղղափառ եկեղեցու և մահմեդական դավանանքի ներկայացուցիչները ի վիճակի են օգնել քաղաքական գործիչներին ղարաբաղյան հակամարտության կարգավորման գործում: Այդ մասին հայտարարել է Համայն Ռուսիո և Մոսկվայի պատրիարք Կիրիլը Կովկասի մահմեդականների վարչության նախագահ, ԱՊՀ Միջկրոնական խորհրդի համանախագահ Շեյխ ուլ իսլամ Ալլահշուքյուր Փաշազադեի և Ադրբեջանի պատվիրակության հետ հանդիպմանը:
«Եթե դա կախված լիներ միայն կրոնական գործիչներին, ապա, կարծում եմ, այդ հիմնախնդիրը վաղուց լուծված կլիներ: Բայց դա ոչ միայն մեզանից է կախված, ուստի այդ համատեղ կարծիքը դրական ազդեցություն կունենա նաև քաղաքական գործիչների վրա՝ դրդելով նրանց, որ խնդիրը լուծվի խաղաղ ճանապարհով և փոխադարձ գոհունակությամբ»,-ասել է նա: