Մարտի 4-ին ՀՀ ԱԺ նախագահ Արարատ Միրզոյանի հետ հանդիպմանը Եվրոպայի խորհրդի քարտուղարության Մարդու իրավունքների և իրավունքի գերակայության Գլխավոր տնօրեն Քրիստոս Ջակումոպուլոսն ասել է, որ Հայաստանում մարդու իրավունքների պաշտպանության ոլորտում նշանակալի առաջընթաց կա:
Խորհրդարանի լրատվական ծառայության փոխանցմամբ, ԵԽ պաշտոնյան բարեփոխումների իրականացման հարցում գործակցության և աջակցության պատրաստակամություն է հայտնել:
Արարատ Միրզոյանը նշել է, որ Հայաստանը մեծապես կարևորում է գործակցությունը Եվրոպայի խոորհրդի հետ, ինչպես նաև կազմակերպության շարունակական աջակցությունը ՀՀ ժողովրդավարացման գործընթացներին:
Օրենսդիր մարմնի ղեկավարը հավելել է, որ Թավշյա հեղափոխության արդյունքում Հայաստանն էական քայլ է կատարել մարդու իրավունքների պաշտպանության և ժողովրդավարության, իրավունքի գերակայության ուղղությամբ: Նա վստահեցրել է, որ Հայաստանի նոր իշխանությունները հետևողական են ժողովրդավարության շարունակական զարգացման ու խորացման հարցում: