Նախագահ Արմեն Սարգսյանը ցավակցական հեռագիր է հղել Ղազախստանի նախագահ Կասիմ-Ժոմարտ Տոկաևին՝ այդ երկրի Կըզըլորդայի մարզի Ժալագաշի շրջանում մարտի 27-ին տեղի ունեցած ռազմական «Մի-8» ուղղաթիռի ավիավթարի կապակցությամբ:
Արմեն Սարգսյանն իր վշտակցությունն ու զորակցությունն է հայտնել զոհվածների հարազատներին և մերձավորներին:
Ղազախստանի նախագահին ցավակցական հեռագիր էր հղել նաև վարչապետ Նիկոլ Փաշինյանը։
Մարտի 27-ին Ղազախստանում ուղղաթիռ է վթարի ենթարկվել: 13 մարդ է զոհվել, բոլորն էլ զինծառայողներ: Աղետի ենթարկված ուղղաթիռը պատկանում էր Ղազախստանի պաշտպանության նախարարությանը:
Մի-8 ռազմական ուղղաթիը վթարի է ենթարկվել Ղազախստանի Ժալագաշի շրջանում: Թռիչքն իրականացվում էր հատուկ ստորաբաժանումների «Ալտին ժեբե» զորավարժության շրջանակում, բարդ օդերևութաբանական պայմաններում: