Հոլդանական «Վիլլեմ II» ակումբը խզել է վարձակալության պայմանագիրը Հայաստանի հավաքականի կիսապաշտպան Արաս Օզբիլիսի հետ:
Պատճառն այն է, որ 29-ամյա ֆուտբոլիստը Էրեդիվիզիի 27-րդ տուրում հրաժարվել է փոխարինման դուրս գալ «Ֆորտունա Սիտարդի» հետ խաղում (3:2):
Օզբիլիսը «Վիլլեմ II» ակումբում 18 հանդիպման է մասնակցել, դարձել է 2 գոլի հեղինակ և 2 գոլային փոխանցում է կատարել:
Այսպիսով Օզբիլիսը կվերադառնա թուրքական «Բեշիկթաշ», որից «Վիլլեմ II» ակումբը վարձակալել էր նրան 2018-ի օգոստոսին, հայտնում է sport24.ru-ն:
Օզբիլիսը «Բեշիկթաշ» է տեղափոխվել 2016-ի սկզբին: Թուրքական ակումբը նրան անմիջապես վարձակալության է տվել «Ռայո Վալյեկանո» ակումբին: 2019-ի փետրվարից նա վարձակալության իրավունքով խաղում էր «Շերիֆի» կազմում, սակայն ընդամենը 4 հանդիպման է մասնակցել Մոլդովայի առաջնությունում:
Ավելի վաղ Օզբիլիսը ևս մասնակցել է Հոլանդիայի առաջնությանը: Կիսապաշտպանն իր կարիերան սկսել է «Այաքսում», առաջին անգամ հանդես գալով Էրեդիվիզիայում 2010-ին: