Զինվորականները ձերբակալել են Սուդանի նախագահին
Սուդանի նախագահ Օմար ալ Բաշիրը ձերբակալվել է: Այդ մասին հայտարարել է երկրի պաշտպանության նախարար Աուֆ իբն Ավադը: Ըստ նրա, նախագահը «հուսալի վայրում է»:
«Որոնվում են նրա մերձավոր աջակիցները, հետագայում «խնդիրներից խուսափելու նպատակով»,--ասել է աղբյուրը երկրի անվտանգույան համակարգում:
Նախարարը նաև հայտարարել է, որ ստեղծվում է ռազմական խորհուրդ, որը կղեկավարի երկիրը առաջիկա 2 տարում՝ «անցումային շրջանում», հայտնում է ՌԻԱ Նովոստին:
Խարտումի բնակիչները դրոշներով դուրս են եկել փողոց, նրանք վանկարկում են. «Մենք հաղթեցինք»:
Վերջին շաբաթներին Սուդանում ցույցեր էին անցնում նախագահի հրաժարականի պահանջով: Ցուցարարները դիմում էին նաև բանակին՝ խնդրելով պաշտոնանկ անել Ալ Բաշիրին, որն այդ պաշտոնում է արդեն 30 տարի:
