«Գահերի խաղը» սերիալի եզրափակիչ եթերաշրջանի երկրորդ սերիան հայտնվել է համացանցում պաշտոնական պրեմիերայից առաջ, հայտնում է ՌԻԱ Նովոստին Insider պորտալի վրա հղումով:
Ինչպես նշում են ԶԼՄ-ները, դա կապված է Amazon Prime տեսածառայության սխալի հետ: Այդպես, գերմանացի օգտատերերը, որոնք վճարել էին Amazon Prime-ում «Գահերի խաղը» սերիալի եզրափակիչ եթերաշրջանի դիտման համար, կարողացել են երկրորդ սերիան դիտել առաջինից անմիջապես հետո: Ընդ որում, նոր էպիզոդը վատ որակով հայտնվել է նաև համակարգչահենային բովանդակությամբ ռեսուրսներում և Telegram-ալիքներում:
Amazon Prime-ն արդեն շտկել է սխալն ու հանել է շրջանառությունից նոր սերիան:
«Գահերի խաղի» ութերորդ եթերաշրջանի առաջին սերիան պրեմիերայի օրը 17,4 մլն մարդ է դիտել: HBO հեռուստաալիքը գերազանցել է սեփական ռեկորդը, որը նախկինում պատկանում էր 7-րդ եթերաշրջանի վերջին սերիային, որը դիտել էր 16,9 մլն մարդ:
«Գահերի խաղի» վերջին եթերաշրջանի առաջին սերիան հեռարձակվել է ապրիլի 15-ին: Եթերաշրջանում 6 էպիզոդ կա, վերջին չորսը նախորդներից 20 րոպեով երկար է:
