Ադրբեջանի մեջլիսի խոսնակը պատգամավորներին կոչ է արել ռազմատենչ հայտարարություններ չանել
Ադրբեջանի Միլի մեջլիսի նախագահ Օքթայ Ասադովն ապրիլի 23-ի նիստի ժամանակ հորդորել է պատգամավորներին ձեռնպահ մնալ ռազմական ճանապարհով Արցախյան հակամարտության լուծելու մասին կոչերից, հայտնել է «Ինտեֆաքսի» ադրբեջանական ծառայությունը:
«Մենք ինչի՞ կարող ենք հասնել պատերազմի մասին զգացմունքային կոչերով: Եթե հակամարտությունը հնարավոր է կարգավորվել խաղաղ ճանապարհով, ապա ինչու՞ պետք է դրան դեմ լինենք», - ասել է Ասադովը:
Նրա խոսքով՝ պատգամավորները պետք է «շատ զգույշ լինեն այս թեմայի շուրջ»:
