Մեկ ամսում սանավիացիայի ծառայությունից 9 հիվանդ է օգտվել
ՀՀ առողջապահության նախարար Արսեն Թորոսյանը ֆեյսբուքյան իր էջում գրել է, որ մեկ ամսում սանավիացիայի ծառայությունից 9 պացիենտ է օգտվել:
«Ամփոփելով սանավիացիայի աշխատանքի առաջին ամիսը, կարող եմ ասել, որ տեղափոխվել է 9 պացիենտ Հայաստանի տարբեր մարզերից», - հայտնել է նախարարը՝ հավելելով, որ միայն ապրիլի 30-ին միանգամից երկու կանչ են իրականացրել՝ Նոյեմբերյան և Վանաձոր քաղաքներից:
Նախարարը հայտնել է, որ մեկ ամսում օգտագործվել է թռիչքային մոտ 12 ժամ։
Ավելի վաղ ՀՀ-ն դարձել է տարածաշրջանի առաջին երկիրը, որն ունի սանավիացիայի ծառայություն:
