Լոնդոնի «Արսենալի» և Հայաստանի ազգային հավաքականի կիսապաշտպան Հենրիխ Մխիթարյանը կկարողանա անարգել մուտք գործել Ադրբեջան, որտեղ տեղի է ունենալու Եվրոպայի լիգայի եզրափակիչը:
Լոնդոնի «Արսենալը» Եվրոպայի լիգայի եզրափակչում հանդիպելու է «Չելսիի» հետ:
«ՈւԵՖԱ-ի համար սա ստանդարտ ընթացակարգ է՝ աջակցության նամակ հղել ասոցիացիաներին, ակումբներին կամ դեսպանատներին ֆուտբոլիստներին վիզա տրամադրելու և ՈւԵՖԱ հանդիպումներին մասնակցելու հարցով: Մենք հավաստիացումներ ենք պահանջել, որ Մխիթարյանը խնդիրներ չի ունենա: Ադրբեջանի ֆուտբոլային ֆեդերացիաների ասոցիացիան հաստատել է, որ տվյալ ֆուտբոլիստը մուտքի արտոնագրի և Ադրբեջան այցելության հետ խնդիրներ չի ունենա և կձեռնարկվեն անվտանգության բոլոր հնարավոր միջոցները»-հայտարարել է ՈւԵՖԱ մամուլի ծառայությունը, հայտնում է sport24.ru-ն:
Եվրոպայի լիգայի եզրափակիչը տեղի կունենա մայիսի 29-ին:
Նախկինում Մխիթարյանը երկու անգամ չի մասնակցել եվրագավաթի հանդիպումներին ադրբեջանական թիմերի հետ: