ԱԺ փոխխոսնակ Ալեն Սիմոնյանը ներկայացրել է «Իմ քայլը» խմբակցության պատգամավոր Սիփան Փաշինյանի և «Բարգավաճ Հայաստան» խմբակցության պատգամավոր Նաիրա Զոհրաբյանի հետ համատեղ մշակած «Վիճակախաղերի մասին» Հայաստանի Հանրապետության օրենքում լրացումներ կատարելու մասին նախագիծը:
Նախագծով Երևանում արգելվելու է այդ բուքմեյքերական ընկերությունների գործունեությունը, ինչը բողոքի ակցիայի պատճառ էր դարձել:
Սիմոնյանը նշել է, որ անմիջականորեն, խաղասրահի միջոցով տոտալիզատոր և ավտոմատացված սարքավորումներով վիճակախաղ կարող է կազմակերպվել միայն Կոտայքի մարզի Ծաղկաձոր, Գեղարքունիքի մարզի Սևան, Վայոց ձորի Ջերմուկ և Սյունիքի մարզի Մեղրի համայնքների վարչական սահմաններում:
«Օրինագծով հնարավորություն է տրվում, ամուսնուն դատական կարգով արգելել մուտք գործել խաղասրահ, սահմանվում է տարիքային շեմ՝ 21 տարեկան», - ասել է Սիմոնյանը:
Նա հայտնել է, որ կառավարությունն աննշան է գնահատել պետական բյուջեի կորուստներն օրենքի ընդունման դեպքում: