ՀՀ վարչապետ Նիկոլ Փաշինյանը, որը աշխատանքային այցով գտնվում է Պետերբուրգում, ՌԻԱ Նովոստիին տված հարցազրույցում ասել է, որ ՌԴ նախագահ Վլադիմիր Պուտինի հետ քննարկել է զենքի մատակարարմանն առնչվող հարցեր:
«Մենք լավ ենք համագործակցում ռազմատեխնիկական ոլորտում և, անշուշտ, ունենք որոշակի պայմանավորվածություններ: Կարծում եմ, մեր հարաբերություններն այդ բնագավառում զարգանում են ըստ ծրագրվածի»,-ասել է Փաշինյանը:
Պատասխանելով հարցին, թե քննարկվել է արդյոք հանդիպման ժամանակ Երևանին նոր «Իսկանդերներ» մատակարարելու հարցը՝ Փաշինյանն ասել է, որ Հայաստանը բավականաչափ «Իսկանդեր» ունի:
«Մենք բավականաչափ «Իսկանդերներ» ունենք: Սակայն, մենք հուսով ենք, որ ևս մի բան կստանանք: Ոչ փոքր»,-ասել է վարչապետը: