ԱԺ «Իմ քայլը» խմբակցության պատգամավոր Արփի Դավոյանը և Կոտայքի մարզպետ Ռոմանոս Պետրոսյանը դատապարտել են Աբովյանի քաղաքապետի թեկնածուի նախընտրական շտաբի պետի բնակարանն ու մեքենան այրելու միջադեպը։
«Այս գիշեր հրդեհել են Աբովյանի քաղաքապետի թեկնածու ՔՊ ներկայացուցիչ Գրիգոր Գուլյանի նախընտրական շտաբի ղեկավարի ավտոմեքենան։ Եթե ընտրություններից մեկ օր առաջ նման հանցագործություն է կատարվում Աբովյան քաղաքում , ապա մնում է միայն ասել, որ հին գործելաոճ և հանցագործ մտածելակերպ ու վարք դրսևորել անձանց տեղը այնտեղ չէ, որտեղ հիմա նրանք գտնվում են։ Աբովյանը ձեր հոր դուքյանը չէ, ոչ էլ պապերից ստացված ժառանգություն։ ՀՀ Ոստիկանությունից պահանջում եմ անհապաղ գտնել և պատժել հանցագործներին»,- գրել է Դավոյանը։
Դեպքի հետ կապված գրառում է կատարել նաև Ռոմանոս Պետրոսյանը:
«Սա չի տեղավորվում ոչ միայն օրինականության, այլ նաև` բարոյականության ու բանականության սահմաններում։ Զազրելի ոտնձգություն ընտանիքի և սեփականության նկատմամբ։ Վստահ եմ իրավապահ մարմինների` կեսգիշերին մեկնարկած գործողությունների արդյունքները շատ չեն ուշանա։ Աբովյանում չի կարող լինել վախի մթնոլորտ և անպատժելիության իմիտացիա։ Դեպքը տեղի է ունեցել ՔՊԿ թեկնածուի` ենթաշտաբերից մեկի պետի հետ»,- գրել է նա։
Ավելի վաղ լուրեր շրջանառվեցին, որ այրել են Աբովյանի քաղաքապետի իշխանական թեկնածուի նախընտրական շտաբի պետի բնակարանն ու մեքենան
