2019-ի ապրիլին 2018-ի նույն ամսվա համեմատ անշարժ գույքի նկատմամբ իրականացված առուվաճառքի գործարքները ՀՀ-ում աճել են մոտ 21%-ով:
Ազգային վիճակագրական ծառայության տվյալների համաձայն, ընթացիկ տարվա ապրիլին ՀՀ-ում կատարվել է անշարժ գույքի առուվաճառքի 4310 գործարք՝ նախորդ տարվա 3565-ի դիմաց:
Մասնավորապես՝ բազմաբնակարան շենքի բնակարանի առուվաճառքի գործարքների թիվը 1472 է՝ 2018-ի 1189-ի դիմաց, բնակելի տներինը՝ 647՝ 448-ի դիմաց, հասարակական նշանակության օբյեկտներինը՝ 231՝ 194 դիմաց:
Ըստ ՀՀ անշարժ գույքի կադաստրի կոմիտեի ամփոփ տեղեկատվության, 2019-ի ապրիլին հանրապետությունում անշարժ գույքի նկատմամբ իրականացվել է իրավունքների պետական գրանցման 16,270 գործարք (առուվաճառք, նվիրատվություն, փոխանակում, վարձակալում, գրավադրում, ժառանգում, օրինականացում և այլն):