Քոչարյանը՝ դատավորին. Ձեր յախան թափ տվեք այս գործից, սրանից լավ հոտ չի գալիս
Մարտի 1-ի գործով մեղադրյալ ՀՀ երկրորդ նախագահ Ռոբերտ Քոչարյանը, դիմելով իր գործով նիստը նախագահող՝ ՀՀ վերաքննիչ քրեական դատարանի դատավոր Արմեն Դանիելյանին, հորդորել է նրան հրաժարվել գործից՝ ինքնաբացարկ հայտնելով:
«Եվս մեկ անգամ հորդորում եմ Ձեզ, Ձեր յախան թափ տվեք այս գործից, սրանից լավ հոտ չի գալիս, և այս գործը սարքելու համար, կարելու համար մարդիկ ապագայում օրենքով շատ խիստ պատասխանատվության են ենթարկվելու», - ասել է Քոչարյանը, գրում է «Հայկական ժամանակը»:
Նրա պաշտպանները կրկին ինքնաբացարկի միջնորդություն են ներկայացրել:
Ավելի վաղ Քոչարյանի կալանքը փոխելու դեմ մեղադրող կողմի բողոքը քննող ՀՀ վերաքննիչ քրեական դատարանի դատավոր Արմեն Դանիելյանն ինքնաբացարկ չի հայտնել:
