ՀՀ վարչապետ Նիկոլ Փաշինյանը Եվրասիական տնտեսական միության շրջանակում Հայաստանի և Բելառուսի համագործակցությանն առնչվող հարցեր է քննարկել Բելառուսի նախագահ Ալեքսանդր Լուկաշենկոյի հետ:
Հեռախոսազրույցի ընթացքում քննարկվել են, մասնավորապես, Երևանում հոկտեմբերի 1-ին կայանալիք ԵՏՄ գագաթնաժողովի անցկացման հետ կապված հարցեր:
Տվյալ համատեքստում շոշափվել են նաև ԵՏՄ արտաքին կապերի ընդլայնման հետ կապված մի շարք հարցեր, այդ թվում՝ ԵՏՄ և Սինգապուրի միջև ազատ առևտրի մասին պայմանագրի ստորագրման հեռանկարները:
Վարչապետ Նիկոլ Փաշինյանը Ալեքսանդր Լուկաշենկոյին շնորհավորել է Եվրոպական երկրորդ խաղերը մեծ հաջողությամբ անցկացնելու կապակցությամբ և ուրախությամբ նշել այդ մրցումներում հայ մարզիկների բարձր արդյունքներով մասնակցելու փաստը:
Վարչապետը նաև շնորհավորել է Բելառուսի ազգային տոնի կապակցությամբ և այդ առիթով լավագույն մաղթանքներ հղել բարեկամ բելառուս ժողովրդին, հայտնում է վարչապետի մամուլի ծառայությունը: