Վրաստանում ՀՀ դեսպանության իրավաբանը շուտով կտեսակցի ռադիոակտիվ նյութ տեղափոխելու համար կալանավորված ՀՀ քաղաքացուն։

Հուլիսի 11-ին Վրաստանի պետական անվտանգության ծառայության աշխատակիցները ձերբակալել են ՀՀ քաղաքացի Մ․Մ-ին, որը, վրացական կողմի հաղորդմամբ, կասկածվում է հայ-վրացական սահմանին հայտնաբերված ռադիոակտիվ նյութի սեփականատերը լինելու մեջ, հայտնում է Վրաստանում ՀՀ դեսպանության մամուլի ծառայությունը:

Թբիլիսիի քաղաքային դատարանը որոշում է կայացրել ՀՀ քաղաքացու նկատմամբ որպես խափանման միջոց կիրառել կալանքը:

Վրաստանում ռադիոակտիվ նյութ տեղափոխելու համար ՀՀ քաղաքացի է ձերբակալվել՝ նա Երևանից Ռուսաստան ուղևորվող երթուղային միկրոավտոբուսում ռադիոակտիվ թորիում էր փոխադրում: Վրաստանի Ազգային անվտանգության ծառայության աշխատակիցները 4 բեռնարկղ են գտել՝ 71 կգ ընդհանուր քաշով, որտեղ գտնվում էր մարդու կյանքի համար վտանգներկայացնող ռադիոակտիվ իզոտոպ՝ թորիում-232, որը դասվում է ռադիոակտիվ նյութերի շարքին: