Nordwind ավիաընկերության Մոսկվա-Երևան չվերթն իրականացնող Boeing 737 ինքնաթիռը «Շերեմետևո» օդանավակայանում դադարեցրել է թռիչքը:
Ավիաընկերությունից հայտնել են, որ անձնակազմը դադարեցրել է թռիչքը ինքնաթիռի սրահում տարածված հոտի և ծխի պատճառով: Ինքնաթիռում հրդեհ չի առաջացել:
Թռիչքուղին ազատելուց ու շարժիչներն անջատելուց հետո վթարային ելքերով տարհանվել են ուղևորները:
Boeing 737 ինքնաթիռում գտնվել է 173 ուղևոր և անձնակազմի 6 անդամ: Իսկ ՌԴ ԱԻՆ տվյալներով՝ ինքնաթիռում գտնվել է 187 մարդ, որոնցից 8-ը տուժել են, 2-ը՝ հոսպիտալացվել:
«ՌԻԱ Նովոստի» գործակալության փոխանցմամբ, Boeing 737-ի 28 ուղևոր դեպքից հետո որոշել է չթռչել Երևան ռեզերվային չվերթով: