Արցախի Հանրապետության նախկին պետնախարար, «Ազատ Հայրենիք» կուսակցության ղեկավար Արայիկ Հարությունյանը լրագրողների հետ զրույցում հայտնել է, որ թուլ չեն տա ԼՂ-ում ՀՀ իշխանությունների դեմ ուժեր ձևավորվեն:
«Հայաստանի ժողովրդի կողմից ընտրված իշխանության դեմ Արցախում թույլ չենք տալու որևէ սպառնալիք առաջանա, ուժեր ձևավորվեն: ՀՀ իշխանությունը ձևավորվել է հայ ժողովրդի ընտրության արդյունքում, ինչպես կարող ենք նրանց դեմ նման քայլ թույլ տալ», - ասել է Հարությունյանը՝ հավելելով, որ ժողովուրդը դա թույլ չի տա:
Հարությունյանը լրագրողների հետ զրույցում հայտնել է, որ քաղաքական կուրություն է Հայաստանի հաջողությունները չտեսնելը:
«Եթե մարդիկ չեն նկատում այն ձեռբերումները և հաջողությունները, որոնք կան ՀՀ-ում, ապա դա քաղաքական կուրության հետևանք է: Այն ինչ արել են Արցախի համար ՀՀ-ի գործող իշխանությունները ոչ թե պետք է անընդհատ շեշտենք հաճոյանալու համար, այլ նրա համար պատմության մեջ նման բան չի եղել: Արցախի տնտեսության զարգացման համար մի քանի քայլերով այնպիսի նախադրյալներ են ստեղծվել, որ տնտեսական աճը մի քանի տարվա համար երաշխավորվել է, և ես սա չպետք է գնահատեմ, միայն նրա համար, որ մի քանի ընդդիմադիրներ ասում են, որ հաճոյանա՞լ եմ փորձում», - ասել է Հարությունյանը՝ հավելելով, որ որևէ մեկին չի հաճոյանում:
