Հայ մասնագետները Սիրիայում բուժօգնության դասեր են կազմակերպել բնակչության համար
Հայ մասնագետները, Սիրիայում հայկական հումանիտար առաքելության շրջանակում, առաջին բուժօգնության դասընթացներ են կազմակերպել Հալեպի խաղաղ բնակչության համար: Այդ մասին ասվում է Հումանիտար ականազերծման և փորձագիտական կենտրոնի ֆեյսբուքյան էջում:
Դասընթացների նպատակն է արտակարգ իրավիճակներում անհետաձգելի բուժօգնության ցուցաբերման ուսուցումը:
«Դասընթացներին ներգրավվել են առավելապես իգական սեռի ներկայացուցիչներ, որոնք ուսուցման արդյունքում կկարողանան օգնութուն ցուցաբերել կոտրվածքներ, այրվածքներ, արյունահոսություններ, էլեկտրահարում, սիրտ-թոքային անբավարարություն և վտանգավոր այլ վնասվածքներ ստացած մարդկանց։ Դասընթացները շարունակական բնույթ են կրելու»,-ասվում է հայտարարության մեջ:
