Հայաստանն «Օսկարի» կներկայացնի «Էրկեն Կիշեր» ֆիլմը
Ռեժիսոր Էդգար Բաղդասարյանի «Էրկեն Կիշեր» ֆիլմը կներկայացվի «Օսկարի»: Այդ մասին հայտնում է Հայաստանի Ազգային կինոակադեմիան իր ֆեյսբուքյան էջում:
«Ազգային կինոակադեմիայի անդամների քվեարկության արդյունքների հիման վրա որոշվել է, որ «Լավագույն միջազգային գեղարվեստական կինոնկար» անվանակարգում Հայաստանը կներկայացնի ռեժիսոր Էդգար Բաղդասարյանի «Էրկեն Կիշեր» ֆիլմը»,-ասվումէ գրառման մեջ:
Ամերիկյան կինոակադեմիայի «Օսկար» ամենամյա 92-րդ մրցանակաբաշխությունը տեղի կունենա 2020 թվականի փետրվարի 9-ին:
«Անահիտ» ազգային մրցանակաբաշխության ժամանակ այս ֆիլմը ճանաչվել է տարվա լավագույն կինոնկար, ինչպես նաև արժանացել մրցանակների ևս 5 անվանակարգերում՝ Լավագույն ձայնային ռեժիսոր, լավագույն նկարիչ, լավագույն սցենարիստ, լավագույն օպերատոր, լավագույն ռեժիսոր:
