Viber-ը մտադիր է գնումների գործառույթ ներմուծել
Viber մեսենջերը մտադիր է գնումների գործառույթ ներմուծել հավելվածի ներսում: Այդ մասին հայտարարել է ընկերության գլխավոր տնօրեն Ջամել Ագաուան:
«Դեռևս գաղափարն այն է, որ օգտատերերը կարողանան կիսվել հետաքրքիր ապրանքներով, սակայն հավելվածի ներսում դրանք գնելու հնարավորություն նրանք չունեն: Շուտով այն կհայտնվի»,-ասել է նա, հայտնում է «Կոմերսանտը»:
Այժմ հավելվածի չաթերում կարելի է դիտել 8 գործընկերոջ ապրանքների կատալոգ, այդ թվում Farfetch-ի, Ozon-ի և «Սպորտմաստերի», կիսվել կոնկրետ ապրանքներով և անցնել վաճառողի կայք այն ձեռք բերելու համար: Ընկերությունը բանակցում է ընդլայնելու համար գործընկերների քանակը, հավելել է Ագաուան:
