Երկարատև հիվանդությունից հետո մահացել է վրացի կոմպոզիտոր Գիա Կանչելին: Այս մասին հայտնում է INTERFAX-ը՝ հղում անելով վրացական լրատվամիջոցներին:

Կանչելին 84 տարեկան էր, բուժում էր ստանում թբիլիսյան հիվանդանոցներից մեկում:

Կոմպոզիտորը հայտնի է դարձել ոչ միայն օպերաներով և սիմֆոնիկ գործերով, այլ նաև կինոյի և թատերական ներկայացումների համար գրած երաժշտական ստեղծագործություններով, որոնց թվին են պատկանում «Միմինո», «Կին-ձա-ձա», «Մի՛ վշտանա» հայտնի աշխատանքները:

Գիյա Կանչելին ծնվել է 1935 թվականին Թբիլիսիում, սովորել է տեղի կոնսերվատորիայում: 1967-ից 1986 թվականների ընթացքում գրել է 7 սիմֆոնիա: 1976-ին ստացել է ԽՍՀՄ պետական պարգև, եղել է Սովետական միության ժողովրդական արտիստ, Վրաստանի պետական մրցանակի դափնեկիր: 1991-ից Կանչելին ապրում էր Գերմանիայում և Հոլանդիայում: