16 հոկտեմբերի 2019 - 11:20 AMT
2016 թ.-ից հրազենով 223 հանցանք է կատարվել, զոհվել է 50 մարդ

2016թ. հունվարի 1-ից մինչև 2019 թ. սեպտեմբերի 30-ն ընկած ժամանակահատվածում ՀՀ տարածքում արձանագրվել է հրազենի գործադրմամբ կատարված 223 հանցագործության դեպք, որոնց արդյունքում գրանցվել է 50 զոհ։ Այս մասին PanARMENIAN.Net-ի հարցմանն ի պատասխան հաղորդել են ՀՀ ոստիկանության հասարակայնության հետ կապի և լրատվության վարչությունից:

Ըստ Ոստիկանության տվյալների՝ նշված ժամանակահատվածում հայտնաբերվել, առգրավվել կամ կամավոր հանձնվել է 2195 միավոր հրազեն։

2019-ի հոկտեմբերին վիճակագրության մեջ չընդգրկված մի քանի արյունոտ միջադեպ է գրանցվել։ մասնավորապես, 4 զոհ, 5 վիրավոր է եղել Վանաձորում զինված միջադեպի հետևանքով, իսկ հոկտեմբերի 16-ին իր իսկ զենքից սպանվել է ոստիկան Տիգրան Առաքելյանը։

2016-ից 2019-ի հոկտեմբերի 1-ը հանրապետությունում գրանցվել է 184 սպանություն՝ 66-ը 2016-ին, 49՝ 2017-ին, 35-ը՝ 2018-ին, 2019-ի հունվար-սեպտեմբեր ամիսների տվյալներով՝34 սպանություն: