Պոլսի նորընտիր պատրրիարք Սահակ Մաշալյանի գահակալությունը տեղի կունենա հունվարի 11-ին Սբ Աստվածածին աթոռանիստ Մայր տաճարում։

Հունվարի 12-ին, Սբ Աստվածածին աթոռանիստ Մայր տաճարում կմատուցվի նորընտիր պատրիարքի կարգավիճակում Սահակ Մաշալյանի անդրանիկ պատարագը, ասվում է Պոլսո հայոց պատրիարքության պաշտոնական կայքում։

Սահակ եպս․ Մաշալյանը Պոլսո Հայոց 85-րդ պատրիարք է ընտրվել դեկտեմբերի 12-ին: Դեկտեմբերի 8-ին Ստամբուլում տեղի է ունեցել Պոլսի Հայոց Պատրիարքի ընտրության 2-րդ փուլը, որի ընթացքում հայ համայնքի ներկայացուցիչները ընտրել են աշխարհիկ պատվիրակներին։ Այս ընտրության ժամանակ Համայնքի կողմից ընտրվել է 103 աշխարհիկ պատվիրակ, որոնցից 89-ը Սահակ եպիսկոպոս Մաշալյանի կողմնակիցներ էին, իսկ 12-ը՝ Արամ արքեպիսկոպոս Աթեշյանի: