Ռուսաստանն ափսոսում է, որ ՀՀ վարչապետ Նիկոլ Փաշինյանի ԼՂ կարգավորման մասին հայտարարությանը ադրբեջանական կողմից դեռևս նմանաբովանդակ փոխադարձ հայտարարություն չի արվել: Այդ մասին ՌԴ խորհրդի միջազգային գործերով կոմիտեի ղեկավար Կոնստանտին Կոսաչովը հայտարարել է ԱԺ-ում ՀՀ ԱԺ արտաքին հարաբերությունների մշտական հանձնաժողովի և ՌԴ Դաշնային ժողովի Դաշնության խորհրդի միջազգային գործերով կոմիտեի համատեղ նիստից հետո, հայտնում է Aysor.am-ը:
Նա նշել է, որ ռուսական կողմը կարևորում է ՀՀ վարչապետ Նիկոլ Փաշինյանիայն հայտարարությունը, որ ԼՂ հակամարտության կարգավորումը պիտի հաշվի առնի թե՛ Հայաստանի, թե՛ Ադրբեջանի, թե՛ Լեռնային Ղարաբաղի հետաքրքրություններն ու դիրքորոշումները:
Նա հույս է հայտնել, որ ադրբեջանական կողմից նման բովանդակության հայտարարություններ անպայման կլինեն: «Սա շատ կարևոր կլինի հակամարտության լուծման տեսանկյունից», - ասել է նա:
ՌԴ Դաշնության խորհրդի միջազգային գործերով կոմիտեի ղեկավար Կոնստանտին Կոսաչովը, անդրադառնալով հարցին, թե ինչու են Ռուսաստանն ու Բելառուսը շարունակում զենք վաճառել Ադրբեջանին, հայտարարել է, որ ռազմատեխնիկական ոլորտում Ադրբեջանի և ՀՀ հետ տարբեր պայմաններով են համագործակցում:
