Գյումրու մաքսատանը հերթերի կարգավորման համակարգ կներդրվի
Վարչապետ Նիկոլ Փաշինյանը հանձնարարել է Գյումրիի ավտոմաքսատանը ներդնել հերթերի կարգավորման անհրաժեշտ համակարգ՝ այդ ուղղությամբ առկա խնդիրները լուծելու նպատակով:
Այս մասին հաղորդում են վարչապետի աշխատակազմից՝ հավելելով, որ կառավարության ղեկավարը տեղում ծանոթացել է ավտոմեքենաների մաքսազերծման գործընթացին, զրուցել ավտոներկրողների հետ, լսել նրանց բարձրացրած հարցերն ու խնդիրները:
«Գյումրիի ավտոմաքսատունն այսօրվանից կաշխատի շուրջօրյա՝ մինչև առնվազն դեկտեմբերի 31-ը»,- նշել է վարչապետը:
Նշվում է, որ Նիկոլ Փաշինյանը հանձնարարել է ավելացնել նաև սպասարկող անձնակազմի թիվը:
