Մահացած եզդի զինծառայող Արթուր Աջամյանի գործը տեղափոխվել է Քննչական կոմիտեի հատուկ կարևորության գործերով վարչություն, ասել է իրավահաջորդի ներկայացուցիչ, փաստաբան Հայարփի Սարգսյանը:

«Կարծում եմ՝ դա տեղի է ունեցել վարչապետ Նիկոլ Փաշինյանի ցուցումով։ Գործը տեղափոխվել է այնտեղ՝ ուսումնասիրության համար»,- փաստաբանի խոսքերը մեջբերում է Factor.am-ը:

2019 թվականի դեկտեմբերի 2-ին Արթուր Աջամյանը մահացու հրազենային վնասվածքով հայտնաբերվել էր ՊԲ հյուսիս-արևելյան ուղղությամբ տեղակայված զորամասերից մեկում։ Նրա հարազատները դեկտեմբերի 26-ին բողոքի ակցիա էին արել՝ պահանջելով պատշաճ քննել գործը։ Այդ օրը վարչապետը հանդիպել էր զինվորի հարազատների հետ և խոստացել ամեն ինչ անել, որ քննությունն օբյեկտիվ տարվի: