Հունվարի 16-ին Հալեպը կրկին հրթիռակոծվել է՝ կա 6 զոհ, այդ թվում կանայք և երեխաներ, հայտնում է «Գանձասարը»:
Վիրավորների թիվը հասնում է 20-ի:
Քաղաքի արևմտյան շրջանում հաստատված ահաբեկչական խմբավորումները 3 հրթիռ են արձակել Սըքքարի թաղամասի ուղղությամբ:
Քանդվել են բնակարաններ, խանութներ, նյութական վնաս է հասցվել:
2017-ի մայիսին Աստանայում (ներկայումս՝ Նուր-Սուլթան) Ռուսաստանի, Իրանի և Թուրքիայի ներկայացուցիչների բանակցությունների արդյունքում Սիրիայում ստեղծվել է 4 դեէսկալացիոն գոտի: 2018-ին այդ տարածքներից 3-ը հայտնվել են Դամասկոսի հսկողության տակ: Չորրորդ գոտին, որը գտնվում է Իդլիբ նահանգում և սահմանակից է Լաթաքիայի, Համայի և Հալեպի նահանգներն, դեռևս կառավարական ուժերի ենթակայության տակ չէ: Ավելին, դրա մեծ մասը գրավվել է «Ջեբաթ ան-Նուսրա» ահաբեկչական խմբավորման կողմից: