Իտալական «Ռոմայի» և Հայաստանի ազգային հավաքականի կիսապաշտպան Հենրիխ Մխիթարյանը 25-օրյա դադարից հետո կարող է խաղադաշտ վերադառնալ արդեն մինչև փետրվարի 10-ը, գրում է RomaPress.net-ը:
Հենրիխ Մխիթրայանը մկանային վնասվածք էր ստացել հունվարի 5-ին «Տորինոյի» դեմ խաղում:
Ավելի վաղ ֆուտբոլիստը ևս «Ռոմայի» երկրպագուների հետ հանդիպմանն ասել էր, որ հնարավոր է դաշտ վերադառնա այս շաբաթ:
«Հույս ունեմ՝ «Սասուոլոյի» հետ խաղից հետո, ուզում եմ օգնել թիմին»,- ասել էր Մխիթարյանը:
Վնասվածքից ապաքինվող Մխիթարյանը հունվարի 29-ին ճանաչվել էր ՀՀ լավագույն ֆուտբոլիստ: Այս կոչմանը նա արժանանում է արդեն 9-րդ անգամ:
«Տարվա լավագույն ֆուտբոլիստ» անվանակարգում 2019-ի քվեարկության արդյունքներով Մխիթարյանը 109 միավոր էր հավաքել: