«Ռոմայի» գլխավոր մարզիչ Պաուլու Ֆոնսեկան հայտարարել է, որ ակումբը մտադիր է ձեռք բերել թիմում վարձակալությամբ հանդես եկող Հենրիխ Մխիթարյանին և Քրիս Սմոլինգին:
«Մխիթարյանն այս խաղաշրջանում վնասվածքներ ուներ, բայց վերադարձից հետո ապացուցում է իր վարպետության մակարդակը: Նա մի ֆուտբոլիստ է, որը գերազանց որոշումներ է կայացնում խաղադաշտում: Ես նրան ևս կցանկանայի պահել մեր թիմում»,- ասել է մարզիչը, գրում է Sky Sports-ը:
«Ռոմայի» և Հայաստանի հավաքականի կիսապաշտպանի տրանսֆերային իրավունքները պատկանում են «Արսենալին»: Ավելի վաղ հայտնի դարձավ, որ ակումբը մերժել է «Ռոմայի» առաջարկը Մխիթարյանին 10 մլն եվրոյի դիմաց ձեռք բերելու վերաբերյալ: