Կոռուպցիայի կանխարգելման հանձնաժողովը հրապարակել է 2019-ի հուլիս-դեկտեմբերին պաշտոնի ստանձնման և պաշտոնը դադարեցնելու հայտարարգիր չներկայացնելու համար հարուցված վարչական վարույթներով 53 հայտարարատուի տվյալները:

Ցանկում են ՀՀ ազգային անվտանգության ծառայության տնօրենի տեղակալ Ռոբերտ Բազիկյանը, Կենտրոն վարչական շրջանի նախկին ղեկավար Վիկտոր Մնացականյանը, ԿԳՄՍ նախկին փոխնախարար Լուսինե Առաքելյանը և այլոք:

Փետրվարի 27-ի դրությամբ հարուցված վարույթներից 2-ը կարճվել են դեպքի բացակայության հիմքով:

Հայտարարատու պաշտոնատար անձանց առաջարկվել է մինչև մարտի 6-ը Կոռուպցիայի կանխարգելման հանձնաժողով ներկայացնել 2019-ին գործող պաշտոնեական պարտականությունները ստանձնելու օրվա դրությամբ գույքի, եկամուտների և փոխկապակցված անձանց հայտարարագիրը:

Նախկին հայտարարատու պաշտոնատար անձանց առաջարկվել է մինչև մարտի 10-ը Կոռուպցիայի կանխարգելման հանձնաժողով ներկայացնել 2019-ին գործող պաշտոնեական պարտականությունները դադարեցնելու օրվա դրությամբ գույքի, եկամուտների և փոխկապակցված անձանց հայտարարագիրը:

Կոռուպցիայի կանխարգելման հանձնաժողովը ձևավորվել է 2019-ի նոյեմբերին: Կառույցի 5 անդամի թեկնածություններն առաջադրել են կառավարությունը, Բարձրագույն դատական խորհուրդը և ԱԺ երեք խմբակցությունը։