Իրանում կորոնավիրուսից մահացածների թիվը հասել է 194-ի՝ մեկ օրում 49 մարդ է մահացել: Այդ մասին մարտի 8-ին տեղեկացրել է Իրանի առողջապահության նախարարությունը: Սա փետրվարից ի վեր, երբ գրանցվեցին վարակման առաջին դեպքերը, մահացության ռեկորդային բարձր ցուցանիշ է, գրում է Deutsche Welle-ն:
Կորոնավիրուսով վարակվածների քանակն Իրանում հասել է 6566-ի: Չինաստանից և Հարավային Կորեայից հետո Իրանը կորոնավիրուսից առավել տուժած երկրներից է:
Համաճարակն Իրանում արդեն 31 նահանգում է գրանցվել: Ամբողջ երկրում փակ են դպրոցներն ու համալսարանները, չեղարկվել են մեծ մշակութային և մարզական միջոցառումները: Iran Air իրանական ավիաընկերությունը մարտի 8-ին հայտնել է անորոշ ժամկետով դեպի Եվրոպա բոլոր չվերթների կասեցման մասին:
Ընթերցեք նաև. Իտալիան 1-ին տեղում է աշխարհում կորոնավիրուսից մահացության ցուցանիշով