ՆԱՏՕ-ի հետ երկխոսությունը պետք է սկսվի Կովկասի ճգնաժամի շուրջ քննարկումից, հայտնել է ՌԴ ԱԳՆ ղեկավար Սերգեյ Լավրովը: «Այժմ, երբ մեր ՆԱՏՕ-ի գործընկերները խոսում են հարաբերությունների վերականգնման նպատակահարմարության մասին, մենք պնդելու ենք, որպեսզի հարաբերությունների վերականգնումը սկսվի կովկասյան ճգնաժամի պատճառների վերաբերյալ նույն այն քննարկումից, որից ՆԱՏՕ-ի գործընկերները ձեռնպահ մնացին օգոստոսին»,- ասել է նա Մոսկվայում կայացած մամլո ասուլիսին, հաղորդում է ՌԻԱ Նովոստին:

ՆԱՏՕ-ն Մոսկվայի հետ հարաբերությունները սառեցրեց օգոստոսին` կապված վրացա-հարավօսական հակամարտության հետ: Դեկտեմբերի սկզբին Հոյւսիսատլանտյան դաշինքի երկրները պայմանավորվեցին վերականգնել կապերը Ռուսաստանի հետ: