Արցախի պարետ, պետնախարար Գրիգորի Մարտիրոսյանի որոշմամբ սահմանվել են Արցախ մուտք գործելու առանձնահատուկ և անհետաձգելի համարվող դեպքերը։
Մասնավորապես, բացառություն է արվում բեռնափոխադրումներ իրականացնող վարորդի և մեկ ուղեկցողի համար, գյուղատնտեսական և այգեգործական աշխատանքներ իրականացնողների համար, առողջական անհետաձգելի կարիքների, ինչպես նաև թաղման կամ հոգեհանգստի արարողության մասնակցելու համար՝ հանգուցյալի մերձավորների պարագայում, ՊԲ կարիքներից ելնելով և այլն։
Սահմանվել են նաև Արցախի վարչական սահմաններում և Հանրապետություն մուտք գործելիս կիրառվող սահմանափակումները, հավաքների կամ հանրային միջոցառումների իրականացման նկատմամբ սահմանափակումները, հանրային իշխանության մարմինների գործունեության նկատմամբ կիրառվող սահմանափակումները:
Համապատասխան որոշումները հասանելի են ԱՀ կառավառության պաշտոնական կայքի «COVID 19» նորաստեղծ բաժնում։
Կորոնավիրուսի համաճարակով պայմանավորված Արցախում արտակարգ իրավիճակ է հայտարարվել ապրիլի 12-ից` ժամը 22:00-ից սկսած մինչև մայիսի 12-ը` ժամը 22:00-ը ներառյալ:Արցախում կորոնավրուսով վարակի 6 դեպք կա