Գերմանիայի դաշնային շրջան Սաքսոնիայում կորոնավիրուսի համավարակով պայմանավորված պարտադիր կլինի դիմակ կրելը հանրային տրանսպորտում և գնումներ կատարելիս, տեղեկացնում է Deustche Welle-ն։
Սաքսոնիայի վարչապետ Միխաել Կրեչմերը հայտարարել է, որ պարտադիր չէ մասնագիտական դիմակ կրել, բավար կլինի նաև գլխաշորը կամ շարֆը։ Այդ սահմափակումը ուժի մեջ կմտնի ապրիլի 20-ից։
Գերմանիան հայտարարել է, որ աստիճանաբար կմեղմացնի կորոնավիրուսի համավարակով պայմանավորված սահմանափակող միջոցները։
Գերմանիայում ապրիլի 17-ի դրությամբ կորոնավիրուսով վարակի 133 830 դեպք է գրանցվել՝ նախորդ օրվա համեմատ ավելանալով 3380-ով։
Մեկ օրում 299 մարդ է մահացել, մահվան ելքով դեպքերի ընդհանուր քանակը հասել է 3868-ի։ Ապաքինվել է մոտ 82,000 մարդ։