Հայկական շախմատի առաջատար Լևոն Արոնյանը կմասնակցի շախմատի Ազգերի գավաթի առցանց խաղարկությանը, նա կընդգրկի Եվրոպայի հավաքականում, հայտնում է Շախմատի միջազգային ֆեդերացիայի պաշտոնական կայքը:
Բացի Արոնյանից՝ Եվրոպայի թիմում են նաև Մաքսիմ Վաշյե-Լագրավը, Անիշ Գիրին, Աննա Մուզիչուկը, թիմի ավագը լինելու է աշխարհի 13-րդ չեմպիոն Գարի Կասպարովը:
Մրցաշարը կայանալու է մայիսի 5-10-ը, մասնակցում են նաև Չինաստանի, ԱՄՆ-ի, Ռուսաստանի, Հնդկաստանի, «Մնացած աշխարհի» թիմերը:
Առցանց մրցաշարն անցկացվելու է 2 շրջանով: Լավագույն 2 հավաքականը մայիսի 10-ին պայքարելու են սուպերեզրափակչում: Մրցանակային ֆոնդը $180,000 է: