ԱՄՆ մասնագետները վստահ են, որ կկարողանան կորոնավիրուսի դեմ պատվաստանյութ ստեղծել մինչև 2020-ի ավարտը։ Այդ մասին հայտարարել է ԱՄՆ նախագահ Դոնալդ Թրամփը Fox News-ի եթերում։
ԱՄՆ-ն առաջին տեղում է աշխարհում կորոնավիրուսով վարակվածների քանակով՝ ավելի քան 1․1 մլն մարդ։
«Մենք վստահ ենք, որ մինչև տարեվերջ պատվաստանյութ կունենանք կորոնավիրուսի դեմ»,- ասել է Թրամփը, գրում է «Կոմերսանտը»։
ԱՄՆ-ում նախագահի վարչակազմի «Գերձայնային արագություն» ծրագրով կորոնավիրուսի դեմ 14 պատվաստանյութ է մշակվում։
Ավելի վաղ Առողջապահության համաշխարհային կազմակերպությունը Covid-19-ի պատվաստանյութի 83 հեռանկարային մշակումների ցուցակ էր հրապարակել։