ԱՄՆ Արդարադատության դեպարտամենտի գլխավոր դատախազի տեղակալ Պատրիկ Հովակիմյանն առաջադրվել է Ազգային հետախուզության տնօրենի գրասենյակի (ODNI) գլխավոր քարտուղարի պաշտոնում: Նրա թեկնածությունն առաջադրել է նախագահ Դոնալդ Թրամփը, տեղեկացնում է Սպիտակ տունը։

Հովակիմյանը նաև աշխատել է որպես ԱՄՆ գլխավոր դատախազի տեղակալ Ջեֆրի Ռոզենի աշխատակազմի ղեկավար:

Հովակիմյանն աշխատում է Արդարադատության դեպարտամենտում 2014-ից, նա ղեկավարում էր անդրազգային կազմակերպված հանցավորության դեմ պայքարը։ Հովակիմյանը նաև որպես փաստաբանի օգնական է աշխատել Կալիֆորնիայի Հարավային շրջանում։ Նա աշխատել է Latham and Watkins ընկերության հետ, ինչպես նաև ԱՄՆ Վերաքննիչ դատարանում։