Կրիմինալ քրոնիկոնի ու ավտովթարների լուսաբանմամբ հայտնի ֆոտոլրագրող Գագիկ Շամշյանի մոտ կորոնավիրուս է ախտորոշվել։
Համապատասխան տեղեկությունը հաստատել է Shamshyan.com-ը։
Ֆոտոլրագրողը թեստ է հանձնել մայիսի 15-ին։
Aravot.am-ին Շամշյանն ասել է, որ արդեն մեկուսացած է, 10-14 օր մնալու է մեկուսարանում:
«Ինձ շատ լավ եմ զգում, ոչ տաքություն ունեմ, ոչ գլխացավ, ոչ էլ որևէ այլ ախտանշան: Հարցրեցին, թե ումից կարող եմ վարակված լինել, բայց ոչ մեկին կասկածել չեմ կարող, որովհետեւ օրվա ընթացքում շատ մարդկանց հետ եմ շփվում: Համենայն դեպս, ուր էլ գնացել եմ՝ միշտ եղել եմ դիմակով»,- նշել է նա:
Ավելի վաղ կորոնավիրուս էր հաստատվել նաև «Արմենպրես» գործակալության լրագրող Նորայր Շողիկյանի մոտ։
PanARMENIAN.Net-ը շուտափույթ ապաքինում է մաղթում գործընկերներին։