Մայիսի 23-ին «Արմենիա» ավիաընկերությունը Երևան-Վորոնեժ-Երևան ուղղությամբ հատուկ չվերթ կիրականացնի: Այդ մասին ասվում է ընկերության ֆեյսբուքյան էջում։
Երևան-Վորոնեժ չվերթին կարող են մասնակցել ՌԴ քաղաքացիները, ՌԴ-ում կեցության իրավունք ունեցողները, ինչպես նաև այն ՀՀ քաղաքացիները, ում մերձավոր ազգականները (կին, ամուսին, երեխաներ) հանդիսանում են ՌԴ քաղաքացի և գտնվում են Ռուսաստանում։
Չվերթին մասնակցելու համար անհրաժեշտ է դիմել Հայաստանում ՌԴ դեսպանատուն, կամ հերթագրվել կայքում։
Վորոնեժ-Երևան չվերթին կարող են մասնակցել ՀՀ քաղաքացիները, ինչպես նաև ՌԴ այն քաղաքացիները, ում մերձավոր ազգականները (կին, ամուսին, երեխաներ) ՀՀ քաղաքացի են և գտնվում են Հայաստանում։
Վորոնեժ-Երևան չվերթի համար ավիատոմսեր կարելի է ձեռք բերել «Արմենիա» ավիաընկերության կայքից։
Ավիաընկերությունը կասեցրել է իր չվերթերի գերակշիռ մասը` պայմանավորված կորոնավիրուսի լայն տարածմամբ:
