Նախագահ Արմեն Սարգսյանը վարչապետ Նիկոլ Փաշինյանից առաջարկություններ է ստացել՝ ԱԱԾ տնօրեն Էդուարդ Մարտիրոսյանին և ԳՇ պետ Արտակ Դավթյանին պաշտոնանկ անելու վերաբերյալ: Այս տեղեկությունը հայտնել են նախագահականից, փոխանցում է Factor.am-ը։
Նշվում է նաև, որ նախագահ Արմեն Սարգսյանը դեռ չի ստորագրել պաշտոնանկության հրամանագրերը։
Հունիսի 7-ին Արտակ Դավթյանի որդու հարսանիքն էր՝ արտակարգ դրության պայմաններում, որն էլ, ըստ մամուլում շրջանառվող լուրերի, որպես պաշտոնանկության հիմնական պատճառ է նշվում։
ԱԱԾ տնօրեն Էդուարդ Մարտիրոսյանի պաշտոնանկության մասին դեռ մի քանի շաբաթ առաջ էին լուրեր շրջանառվում։
Մարտիրոսյանն ԱԱԾ տնօրեն էր նշանակվել ամիսներ առաջ` նախագահի մարտի 19-ի հրամանագրով։ Նա ԱԱԾ տնօրենի ժամանակավոր պաշտոնակատար էր նշանակվել 2019-ի սեպտեմբերի 19-ին։
Արտակ ԴավթյանըԳլխավոր շտաբի պետի պաշտոնում էր նշանակվել 2018-ի մայիսին։