Կենտրոնական բանկի նախկին նախագահ Արթուր Ջավադյանը նշանակվել է հատուկ հանձնարարություններով դեսպան։ Վարչապետ Նիկոլ Փաշինյանը ստորագրել է համապատասխան որոշումը։
«Ղեկավարվելով «Դիվանագիտական ծառայության մասին» Հայաստանի Հանրապետության օրենքի 16-րդ հոդվածի 1-ին մասով`Արթուր Ջավադյանին նշանակել հատուկ հանձնարարություններով դեսպան»,- ասվում է որոշման մեջ:
Ավելի վաղ Փաշինյանը հայտարարել էր, որ Կենտրոնական բանկի նախկին նախագահ Արթուր Ջավադյանի հետ կան որոշակի պայմանավորվածություններ հետագա գործունեության առումով, նա կներգրավվի տնտեսական քաղաքականության մշակման գործում։
2020-ի ապրիլին ԱԺ-ն կողմ էր քվեարկել ԿԲ նախագահի պաշտոնում Մարտին Գալստյանին նշանակելուն։
Ջավադյանը ԿԲ ղեկավարի պաշտոնը զբաղեցրել է 2008-ից։ Նա մեկ անգամ վերընտրվել է այդ պաշտոնում 2014-ին։