Վրաստանում կորոնավիրուսով վարակի 2 նոր դեպք է գրանցվել՝ հասնելով 895-ի, տեղեկացնում է հիվանդության մշտադիտարկման կառավարական StopCov կայքը։
Համաճարակի բռնկումից ի վեր ապաքինվել է 741 մարդ, մահվան ելքով 14 դեպք է գրանցվել։
Կարանտինում 2891 մարդ կա, բժիշկների հսկողության տակ է 256 մարդ։
Վրաստանում կորոնավիրուսով վարակի առաջին դեպքը գրանցվել էր փետրվարի 26-ին։ Արտակարգ դրության ռեժիմն ու պարետային ժամը մայիսի 22-ից չեղարկվել են, սակայն որոշ սահմանափակումներ դեռ գործում են։ Մայիսի 29-ից Վրաստանում վերսկսել է աշխատանքը հասարակական տրանսպորտը, այդ թվում՝ մետրոն։ Որոշ սահմանափակումներ պահպանվում են, այդ թվում բազմամարդ հարսանիքների և հուղարկավորությունների արգելքը։