ՀՀ երկրորդ նախագահ Ռոբերտ Քոչարյանը Zoom-ով առցանց հանդիպում է անցկացրել աջակիցների և համակիրների հետ: Այդ մասին ասվում է նրա ֆեյսբուքյան էջում։
Քննարկվել են ներքին և արտաքին քաղաքականությանն առնչվող հարցեր։
«Քննարկվող հարցերը՝ ներքին և արտաքին քաղաքականությունից, Արցախյան հիմնախնդրից, պետության անվտանգությունից, երկրի սոցիալ-տնտեսական վիճակից ու հեռանկարներից մինչև անձնական», - ասվում է գրառման մեջ։
Քոչարյանը, որը որպես մեղադրյալ է ներգրավված Մարտի 1-ի գործով սահմանադրական կարգը տապալելու մեղադրանքով, ազատ է արձակվել կալանքից 2 միլիարդ դրամ գրավի դիմաց, որի մեծ մասը վճարել են ռուսաստանաբնակ հայտնի գործարարներ։