Գիտնականները 76 մլն տարի առաջ ապրած դինոզավրի նրբոլոքային ոսկորն ուսումնասիրելուց հետո առաջին անգամ հայտնաբերել են, որ նրանք նույնպես ունեցել են ոսկրերի ագրեսիվ և չարորակ քաղցկեղ՝ օստեոսարկոմա։ Այս մասին հայտնում է ՌԻԱ Նովոստին։
Ոսկորը հայտնաբերվել է 1989 թվականին՝ Կանադայում, և պահվել հնէաբանական թանգարանում։ Գիտնականները տարիներ անց տարակուսել են ախտորոշման կապակցությամբ, ըստ որի՝ ոսկորի վնասվածքը կոտրվածքի հետևանք է։ Մի շարք բարդ անալիզներից և հետազոտություններից հետո հնարավոր է դարձել ճիշտ ախտորոշում կատարել։
Քաղցկեղը, հավանաբար, ծանր հետևանքներ է ունեցել և դինոզավրին ավելի խոցելի է դարձրել տիրանոզավրերի նկատմամբ: Հավանական է, որ դինոզավրը կարողացել է ավելի երկար գոյատևել խմբով ապրելու շնորհիվ։ Ամենայն հավանականությամբ, դինոզավրը մահացել է ոչ թե հիվանդությունից, այլ ջրհեղեղից իր խմբի մյուս անդամների հետ: