Օգոստոսի 17-ին Արթուր Մեսչյանի վերջին աշխատանքային օրն էր Երևանի գլխավոր ճարտարապետի պաշտոնում։ Այս մասին ֆեյսբուքյան իր էջում հայտնել է քաղաքապետ Հայկ Մարությանը՝ շնորհակալություն հայտնելով համատեղ աշխատանքի համար։

Պաշտոնը լքելուց առաջ Մեսչյանը 1 մլն 800 հազար դրամի պարգևավճար է ստացել «աշխատանքային և ծառայողական պարտականությունները բարեխիղճ ու բարձր որակով կատարելու» համար։

Մեսչյանը Երևանի գլխավոր ճարտարապետ էր նշանակվել 2018-ի հոկտեմբերին։ Ավելի վաղ Մարությանը հայտարարել էր, որ ճարտարապետը պաշտոնից ազատվում է սեփական դիմումի համաձայն, քանի որ ի սկզբանե որոշել էր, որ գալիս է պաշտոնավարելու մոտ 2 տարով։