Օգոստոսի 19-ի դրությամբ՝ կորոնավիրուսով վարակված 233 պացիենտ ծանր վիճակում է, 57-ը՝ ծայրահեղ ծանր։ Այս մասին ասել է առողջապահության նախարարության մամուլի խոսնակ Ալինա Նիկողոսյանը, հայտնում է «ՍիվիլՆեթը»։

Թոքերի արհեստական օդափոխման սարքին միացված է 20 պացիենտ։

Խոսնակը նաև նշել է, որ նախկինում կորոնավիրուսով պացիենտների համար գործում էր 20 հիվանդանոց, կային նաև հիվանդանոցներ, որոնք առանձին բաժանմունքներ ունեին, սակայն ամբողջությամբ չէին վերապրոֆիլավորվել։

Այդ 20 հիվանդանոցից 6-ը վերադարձել է բնականոն աշխատանքի, կորոնավիրուսով պացիենտներով զբաղվում են 14-ը։

Հայաստանում օգոստոսի 19-ի դրությամբ կորոնավիրուսով վարակի դեպքերը 42,056-ն են։ Կորոնավիրուսից մահվան 833 դեպք կա, այլ պատճառով՝ 249։ Առողջացածների ընդհանուր թիվը 35,226 է։