ՀՀ-ում կորոնավիրուսի դեպքերի նվազման միտումը, որը կանգ էր առել, նորից շարունակվում է, և դա կապված է հակահամաճարակային կանոնների պահպանման հետ, հայտարարել է վարչապետ Նիկոլ Փաշինյանը։

«Արդեն գործնականում 6 օր շարունակ ունեինք 200-ից նվազ դեպք։ Երեկվա ցուցանիշը մի փոքր բարձր է՝ 203. իհարկե, նաև թեստերի ավելի մեծ թիվ ենք ունեցել: Ամեն ինչ պետք է անենք հետազոտությունների ծավալը պահելու համար»,– նշել վարչապետը։

Փաշինյանը հորդորել է առավելագույնս պահպանել հակահամաճարակային կանոնները։

Հայաստանում օգոստոսի 27-ի դրությամբ կորոնավիրուսով վարակի դեպքերը հասել են 43,270-ի։ Ընդհանուր առմամբ՝ կորոնավիրուսից մահվան 864 դեպք կա, այլ պատճառով՝ 265։ Առողջացածների ընդհանուր թիվը 36,988 է։ Փաստացի բուժվողների թիվը 5153 է։