Անբուժելի հիվանդ մի ֆրանսիացի իր մոտալուտ մահն ուղիղ եթերով կհեռարձակի Facebook-ում։ Reuters-ի փոխանցմամբ՝ նա հրաժարվել է սննդից և դեղերից նախագահ Էմանուել Մակրոնի կողմից Էֆթանազիայի հայտը մերժելուց հետո։
57-ամյա տղամարդը 34 տարի հիվանդ է․ իր հրապարակած տեսանյութում ասում է, որ ավարտեց իր վերջին կերակուրը, վերջին անգամ խմում է մյուսների առողջության համար:
«Ազատման ճանապարհը սկսվում է, և հավատացեք՝ ես երջանիկ եմ», - ասել է նա։
Տղամարդը նամակով դիմել էր Մակրոնին ՝ խնդրելով իրեն ազատել ցավերից, թույլ տալ խաղաղ մահանալ՝ հանգստացնող միջոց ստանալուց հետո։ Նախագահը մերժել էր նրան՝ բացատրելով, որ դա հակասում է ֆրանսիական օրենսդրությանը։
Էֆթանազիան ցավերից և տառապանքից ազատելու համար հիվանդների համաձայնությամբ նրան կյանքից զրկելն է։ Աշխարհի երկրների մեծամասնությունում այն համարվում է անօրինական։